Enfants de la vergonha

Se debana sus Terra, en 2012...

Los sègles passan, e los milenaris... L'umanitat, pffff...
De que nos servís d'aver un còr, d'intelligença e, benlèu, una arma ?
Levat de se creire, amb una teneson ufanosa, ensús de las autras creaturas e de totes los nòstres fraires que nos semblan mai  vulnerables ?

Que dire ?

Cela se passe sur Terre, en 2012...

Les siècles passent, et les millénaires... L'humanité, pffff...
À quoi cela nous sert-il d'avoir un coeur, de l'intelligence, et, peut-être, une âme ? De que dire ?
À part de se croire, avec une ténacité arrogante, au-dessus des autres créatures et de tous nos frères qui nous semblent plus vulnérables ? 

Voix Vives a Seta

Ai pas solament pensat a l'anonçar aquí.
Mas èri convidada a legir mos poëmas dins l'encastre del festenal Voix Vives a Seta.

I soi anada un pauc de còntra còr que sortir de ma garriga es pas jamai aisit.
E fin finala, me soi regalada.

Ja amb lo public qu'a fach un acuèlh cargat d'emocion a mas lecturas e lo grand mercegi del fons del còr de m'aver tan donat a ieu qu'espèri pas res.
Per la lectura en barca, los vogaires m'an quitament -dins la nebla improbable del pòrt- cantat la Copa Santa, lo Se canta e la Fèsta de l'Issanka al moment de se deseparar !

Puèi i ai fach la coneissença tròp lèu de Miquel Destieu qu'esperi plan de tornar veire mai longament.

Enfin lo rescontre amb lo trobar arab. Pan, dins lo còr !
Pudica, pregunda e bèla per dire lor patiment.... e lo rèsta.

Ai passat mon temps liure amb eles, d'òmes d'Algeria, dau Maroc, d'Oman, dau Liban, d'Arabia Saudita....
Jos las estèlas e dins lo barri naut, los mots d'occitan, d'arab e d'englés an cantat per fargar una trenèla de paratge, de trobar e... d'esperança.

L'amic del Sultanat d'Oman, Abdullah Abdyagooth, es demorat tres jorns de mai e i a fach visitar Montpelhièr e los alentorns, rescontrar musicaires e dançaires...

D'aqueles moments embelinaires nàissarà quicòm.
Mas ne parlarai mai tard.

Je n'ai même pas pensé à  l'annoncer ici.
Mais j'ai été conviée à lire mes poèmes dans le cadre du festival Voix Vives à Sète.
J'y suis allée un peu à contre-cœur car sortir de ma garrigue n'est jamais facile.
Et finalement, je me suis régalée.
Déjà avec le public qui a fait un accueil chargé d'émotion à mes lectures et je le remercie du fond du cœur de m'avoir tant donné à moi qui n'attendait rien.
Pour la lecture en barque, les rameurs m'ont même - dans la brume improbable du port - chanté la Copa Santa, le Se canta et la Fèsta de l'Issanka au moment de se séparer !
Puis j'y ai fait la connaissance trop rapide de Miquel Destiu que j'espère  bien revoir plus longuement.
Enfin la rencontre avec le trobar arabe. Pan, dans le cœur !
Pudique, profonde et belle pour dire leur souffrance... et le reste.
J'ai passé mon temps libre avec eux, des hommes d'Algérie, du Maroc, d'Oman, du Liban, d'Arabie Saoudite... Sous les étoiles et dans le quartier haut, les mots d'occitan, d'arabe et d'anglais ont chanté pour faire une tresse de paratge, de trobar et... d'espérance.
L'ami du Sultanat d'Oman, Abdullah Abdyagooth, est resté trois jours de plus et je lui ai fait visiter Montpellier et les alentours, rencontrer musiciens et danseurs...
De ces moments enchanteurs naîtra quelque chose.
Mais j'en parlerai plus tard.