Aquesta dimenjada, soi tornada a Pegairòlas de Buòja. Entre Monts de Sant Guilhèm e Serana, la valada de la Buòja es benlèu la mai embelinaira del departament.Paraula d’espeològa… (la Serana luòc mitic…).
Lo vilajòt es remirable, quilhat sus un ròc en plen mitan de la comba, entre olivièrs e selvas. Curiosament, es una comuna, quitament se compta sonqu’una cinquantena d’estatjants. Mas lo bèl domnon (sègle dotzen) que lo domina, rampela l’importància passada, quora lo castèl de Pegairòlas èra una fièra fortalesa qu’aparava e contrarotlava l’accès a la valada, via naturala per menar a la Serana e al L
arzac. La glèisa en tuf es fòrça polida, que se destaca sus la Serana. Es una glèisa romanica castrala, es a dire, bastida dins lo sistèma de defensa del castèl. La campana foguèt batejada en 1641. Las vanèlas caladas e laberinticas empòrtan dins un viatge dins lo temps ont planeja l'ombra dels Senhors de Pegairòlas …
Aucun commentaire:
Enregistrer un commentaire