A tu, mon paire

Es pas une pichòta besonha que de me faire sortir de mon canton de garriga e de solesa ensalvatjada, levat per dançar...
L'amiga Lise Gros a capitat que m'a balhat l'enveja de participar a mon primièr concors : "Disiatz io viste e bien", un concors de textes corts en occitan o peitavin-santonges, organisat per Lo Club de langues régionales de la Facultat de Letras de Poitiers, l'IEO 86 e d'autres.

Ai mandat un poèma doloròs e intim.
Soi pertocada d'aprene qu'a recebut lo second prèmi.

Aigal

Paire, mon paire

Totes los turgans de totas las ribièiras an desaparegut
Se son calats los molinets de sambuc
Las sèlvas an engolit las cabanèlas
Arquets, fondas e canas esculptadas tòrnan fusta

Paire, mon paire
E tot çò que viviá per tas mans

Los fossils son muts
Lo mica, lo qüars lusisson pas pus
E la ròca cala l’istòria de la tèrra
La giròla a perdut son perfum
Lo cocut canta pas pus

Paire, mon paire
E tot çò que viviá per tos mots

L’amora es fada jos la lenga
L’aire sagna pas pus blau
Lo gorg es de glaça
Lo còr de la grisòla tòca pas pus ma man

Paire, mon paire
E tot çò que viviá per tos senses

Negre es lo bòsc lauseròt
Sens resson de rire, sens jòc
Nauta e freja la montanha
Qu’escrafèt sos vialets

Paire, mon paire
E tot çò que viviá per ton amor

Ai breçat ta partença de cants de ton país
O Tolosa
Sorisiás en passant lo miralh
Mas dins mon còr plora l’enfant...

O tot çò que preniá sens per ta vida !


- 30 de decembre 2005 -




Père, mon père

Tous les goujons de toutes les rivières ont disparu/Ils se sont tus les moulinets de sureau/Les forêts ont englouti les cabanes/Arcs, frondes et cannes sculptées sont redevenues bois

Père, mon père
Et tout ce qui prenait vie par tes mains

Les fossiles sont muets/Ternes le mica et le quartz/Et la roche tait l’histoire de la terre/La girolle a perdu son parfum/Le coucou ne chante plus

Père, mon père
Et tout ce qui prenait vie par tes mots

La mûre est fade sous la langue/La myrtille ne saigne plus bleu/Le gour est de glace/Le cœur du lézard ne cogne plus ma paume

Père, mon père
Et tout ce qui prenait vie par tes sens

Noir est le bois lozérien/Sans écho de rire, sans jeu/Haute et froide la montagne/Qui a effacé ses sentiers

Père, mon père
Et tout ce qui prenait vie par ton amour

J’ai bercé ton départ des chants de ton pays/Ô Toulouse/Tu souriais en passant le miroir/Mais dans mon cœur pleure l’enfant…

Oh ! Tout ce qui prenait sens par ta vie !