mercredi 6 août 2014

Dins lo Bourbonnais, 46ena Fèsta dels Chavans


Aimi de viatjar dins l'Occitania tota, mas tanben en defòra per rescontrar las culturas de nos vesins.
Aqueste estiu voliái anar dins lo boscatge del Bourbonnais, descubrir lo monde de la bòria d'Embraud.
Es un pauc coma lo Gamounet, un luòc ont d'òmes e de femnas afiscats se trachan de cultura regionala dempuèi mai de quarante annadas e doncas, de danças e de musicas tradicionalas. Un luòc que nos manca crudelament dins lo canton.
Ai aprofitat de la 46ena fèsta dels Chavans per i anar e foguèri pas deçebuda : lo luòc es polid coma tot, la bòria es soleta, un pauc mai nauta que la riba de l'Allier.




Lo monde i es brave e festejaire, e la festa, plan segur, sens fin...
Çò que i a, cal aimar la borrèia a dos temps, que torna e torna de longa...
Ai manjat una "gouère" qu'es una tarta a las patatas, al fromatge blanc e als prunèls, fòrça bona, subretot aprestada dins lo forn del luòc.
Ai begut de vins lèugiers mas gostoses. Ah, chinchar la Perrine (vin rotge) amb Sylvie Berger, pas ieu, la Bergère, LA cantaira !
Escotat e agachat la Chavannée, mèstra del siti (un espectacle sus lo sal e los gabelons m'a plan agradat).
Dansat als balètis mas tanben als "boeufs"  e fins a l'alba (e mai encara) amb de musicaires de prima : Patrick Bouffard, Serge Desaunay, Emmanuel Parisel per exemple ! O Julien Biget, Maxou... e d'autres del Gamounet coma los fraires Maurel.

Ai mancat sonque  los batèus, me caldrà tornar per la Fèsta de la ribièra !


http://lachavannee.com/wp/wp-content/uploads/2012/06/2960_Embraud-300x200.jpg



J'aime voyager dans toute l'Occitanie, mais aussi en dehors pour rencontrer les cultures de nos voisins.
Cet été, je voulais aller dans le bocage du Bourbonnais, découvrir le monde de la ferme d'Embraud. C'est un peu comme le Gamounet, un lieu où des hommes et des femmes passionnées s'occupent de culture régionale depuis plus de quarante ans et donc, de danses et de musiques traditionnelles. Un lieu qui nous manque cruellement dans le secteur.
J'ai profité de la 46ème Fête des Chavans pour m'y rendre et je n'ai pas été déçue : le lieu est joli comme tout, la ferme est isolée, un peu plus haut que la rive de l'Allier.
Les gens y sont gentils et festifs, et la fête, bien sûr, sans fin... ce qu'il y a, il faut aimer la bourrée à deux temps, parce qu'elle revient sans cesse... J'ai mangé une "gouère", c'est une tarte aux pommes de terre, au fromage blanc et aux pruneaux, très bonne, surtout cuite dans le four à pain du lieu. 
J'ai bu des vins légers mais goûteux. Ah, trinquer à la Perrine (vin rouge) avec Sylvie Berger, pas moi, la Bergère, LA cantaire ! !
Ecouté et regardé la Chavannée , maîtresse des lieux (un spectacle sur le sel et les gabelous m'a bien plu).
Dansé aux balètis mais aussi aux boeufs et jusqu'à l'aube (et plus encore) avec des musiciens d'exception : Patrick Bouffard, Serge Desaunay, Emmanuel Parisel par exemple ! Ou Julien Biget, Maxou... et d'autres du Gamounet comme les frères Maurel.
Je n'ai manqué que les bateaux, il me faudra y retourner pour la Fête de la rivière !