Passatge en Morvan per la "Fête de la vielle d'Anost", 36e edicion

 

Aquel èra pas previst e pasmens foguèt lo festenal lo mai fòrt en rescontres, emocions e partatge...
Enfin coneissi lo Morvan e sa famosa Fête de la vielle.
Torni d'Anòst ont se debanava la 36ena edicion organisada per l'UGMM (Union des Groupes et Ménétriers du Morvan).

De que dire ? Que jos lo solelh, lo Morvan m'a semblat un país bel e subretot qu'i ai rescontrat de monde, sonque de paises non occitans, que m'an semblat plan diferents de nosautres, amb un sens pregond de la fèsta, de l'amistat e del collectiu.... E òc.
I vòli tornar e descobrir tanben, non luènh, la Fête de l'accordéon de Luzy.
En mai d'amistats, ai recoltat la boreià dau Morvan o al mens lo pichòt "zinzin" que me mancava per la congostar. Ara la pòdi dançar per me regalar coma lo fau dempuèi longtemps amb la d'Auvernha. Un grand plaser. Se la voletz agachar, podretz comprene sul còp las diferenças.




Celui-ci n'était pas prévu, pourtant ce fut le festival le plus fort en rencontres, émotions et partage... Enfin je connais le Morvan et sa fameuse Fête de la vielle.
Je reviens d'Anost où s'est déroulée la 36e édition organisée par l'UGMM (Union des Groupes et Ménétriers du Morvan).
Que dire ? Que sous le soleil, le Morvan m'a semblé un bien beau pays et surtout que j'y ai rencontré du monde, rien que de pays non occitans,  qui m'ont semblé bien différents de nous autres, avec un sens profond de la fête, de l'amitié et du collectif... Et oui...
Je veux y retourner et découvrir, non loin, la Fête de l'accordéon de Luzy.
En plus d'amitiés, j'ai récolté la bourrée du Morvan, ou du moins le petit "zinzin" qui me manquait pour l'apprécier. Maintenant je peux la danser pour me régaler comme je le fais depuis longtemps avec celle d'Auvergne. Un grand plaisir. Si vous voulez la regarder, vous pourrez comprendre sur le champ les différences.

 

Lo rondèu de Castelnau-Barbarens

I voliái anar dempuèi longtemps, es fach : tres jorns dins lo país encantat d'un festenal mai que mai agradiu : lo Rondèu de Castelnau- Barbarens.
Un vilajòt de carta postala dins lo Gers, sus un puèg coronat per la glèisa e sos jardins, amb mira sus los Pirenèus e de  parquets subrebèus coma la musica : dels fraires Espinasse a Tisnèr en passant per Marc Castanet o Didier Oliver, Guillaume Lopez e Cyril Brotto, Hervé Capel e Dani PadPé amb totes los autres que pòdi pas enumerar e que nos an balhat tant de bonur !
De rescòntres bèls tanben, coma totjorn, e de congòs, de rondèus, de brandes e de sauts dau Bearn e... e... e la lenga bèla de la Gasconha.

Mon cap i es totjorn, mas cambas tanben que fan que dançar, coma l'an fach nuèit e jorn aval...
 
Me languissi ja de partir per encadenar los festenals de Tradethik (primièra edicion capitada en 2011) dels Volcaniques en çò dels Brayauds, Festen'oc de Saurat (onte vau coma formatritz aqueste còp), lo de Saint-Chartier que manqui pas jamai, las Basaltiques e segurament d'autres un pauc pertot onte lo monde dança e festeja.

Aimi l'estiu, aimi l'amistat e la jòia, aimi la poesia e la fantasiá e aimi la dança que ma fa sentir en vida !

extracha del siti del Rondèu

Je voulais y aller depuis longtemps, c'est fait : trois jours dans le pays enchanté d'un festival plus qu'agréable : le Rondèu de Castelnau-Barbarens.
Un petit village de carte postale dans le Gers, sur une colline couronnée par l'église et ses jardins, avec vue sur les Pyrénées et des parquets superbes comme la musique : des frères Espinasse à Tisner en passant par Marc Castanet ou Didier Oliver, Guillaume Lopez et Cyril Brotto, Hervé Capel et DaniPadPé  avec tous les autres que je ne peux énumérer mais qui nous ont donné tant de bonheur !
De belles rencontres aussi, comme toujours, et des congos, des rondeaux, des branles et des sauts et... et... et la belle langue de Gascogne.
Ma tête y est toujours, mes jambes aussi qui ne font que danser, comme elles l'ont fait nuit et jour là-bas.
[...]
Je me languis déjà de repartir pour enchaîner les festivals de Tradethik (première édition réussie en 2011) des Volcaniques chez les Brayauds, Festen'oc de Saurat (où je vais comme formatrice cette fois), celui de Saint-Chartier que je ne manque jamais, les Basaltiques et sans doute d'autres un peu partout où le monde danse et fait la fête.

J'aime l'été, j'aime l'amitié et la joie, j'aime la poésie et la fantaisie, j'aime la danse qui me fait sentir vivante ! 

Prima en Losera (3)

Lo calabrun  e l'alba al pais de ma reire grand, la maire de mon grand, a l'ombra de l'Aigal.
Una bòria isolada al mitan de rancàs ont s'amagan las fedas.

Amb una pensada plena d'amor per la cosina Lucienne que demorava dins aqueste país de vent e de cèl e qu'es partida  lo lendeman de mon passatge.
Une vida tan clafida d'espròvas e un coratge, una fòrça, una generosetat sens faiçon.
L'ostal del causse èra duberta a tot visitaire. Lo vin rotge, lo fromatge e lo salcissòt de l'ostal e un cafeton arribavan lèu sus la taula.
Repausa dins lo jardin, amb los sieus.
L'avèm accompanhada lo darrièr jorn de nèu del mes de mai.























Le crépuscule et l'aube au pays de mon arrière-grand-mère, la mère de mon grand-père, à l'ombre de l'Aigoual. Une ferme isolée au milieu des rochers où se cachent les brebis.
[...]
Avec une pensée forte et pleine d'amour pour la cousine Lucienne qui vivait dans ce pays de vent et ciel et qui est partie le lendemain de mon passage.
Une vie si remplie d'épreuves et un courage, une force, une générosité sans façons.
La maison du causse était ouverte à tout visiteur. Le vin rouge, le fromage et le saucisson faits maison et un "petit" café arrivaient vite sur la table.
Elle repose dans le jardin, avec les siens. 
Nous l'avons accompagnée le dernier jour de neige du mois de mai.
[...]

Prima en Losera (2)

Here's lo país sorne de ma grand, entre sanhas e sèlvas pregundas, aquela tèrra desanada.ont lo lop e los mau-faràs trevan encara..
Plou e fa 0° a l'ora del gostar.
La solesa es perfiècha.

E lo retorn sus l'Aigal. Lo solelh, aprep la granissa, fa limpar las colors de la prima e fumar lo rota.

 

Here's le pays sombre de ma grand-mère, entre tourbières et forêts profondes, cette terre abandonnée que hantent encore le loup et les brigands.
Il pleut et fait 0 degrés à l'heure du goûter.
La solitude est parfaite.
[...]
Et le retour sur l'Aigoual. Le soleil, après la grêle, illumine les couleurs du printemps et fait fumer la route.

Prima en Losera (1)

   

       Enfin, qualques jorns en Losera... aval es la prima, òc e tot es verd, mas lo pòt estre : plueja, e nèu amb de braves moment de solelh. Entre 0 e 7 grades e nevança sus l'Aigal e lo Mont Losera...

Mas qu'es polida, pregundament, ma Losera.... quitament jos la pluèja coma aquí dejos :

                                           Bon, aquí, lo cal dire, i a encara un pauc de Gard amb la Losera, coma un mesclun embelinaire que se diriã las Cevenas.

                                  Pluèja e flors.

Darrièr la nebla, l'Aigal de mon grand.




Printemps en Lozère (1)
Enfin, quelques jours en Lozère. Là-bas, c'est le printemps, oui, tout est vert mais ça peut bien l'être : pluie, neige avec quelques beaux moment ensoleillés. Entre 0 et 7 degrés avec une couverture neigeuse sur l'Aigoual et le Mont Lozère .
Mais qu'elle est belle, profondément, ma Lozère... même sous la pluie comme ici dessous :
[...]
 Bon, là il faut bien l'avouer, il y a encore un peu de Gard avec la Lozère, comme un mesclun enchanteur qui s'appellerait les Cévennes.
[...]
Pluie et fleurs
[...]
Derrière la brume, l'Aigoual de mon grand-père.

Ptiluc, lo retorn del blòg

Non, es pas partit per l'Africa aquesta annada, l'amic Ptiluc.
Mas de sos viatjes a portat que de soscar...
Coma es pas politicament correct, trapa pas d'editor.
Anetz veire, Jeux sans frontières, es crudel e "jubilatoire" (en òc ? qual sap ?) !


Non, il n'est pas parti pour l'Afrique cette année, l'ami Ptiluc.
Mais de ses voyages il a ramené de quoi réfléchir.
Comme ce n'est pas politiquement correct, il ne trouve pas d'éditeur.
Allez voir Jeux sans f rontières, c'est cruel et jubilatoire !

Singlar e benurança

Dissabte a miegjorn,  soi sortida dins la cort per m'encanhardar.
Lo cuòl sus la pèira fresca, l'esquina contre la porta tebesa. En camiseta tant lo soleh de genièr era maienc.

Sus los genolhs, una escudèla de patanas rostidas a l'entorn d'un tròças de rostit de singlar que ma maire m'aviá davalat de Losera.
Un pauc de rocafòrt sus la poncha de l'Opinel del grand e un cròstet del pan que veniái de sortir del forn. Contra ma cuèissa, un vin roge, simple mas carnut, qu'ai begut a mèma la botelha..

Lo solelh caufava mon pitre.
Dins las brancas dels fraisses nuds, un tortorèl roconava tendrament, alisant lo silenci del vilatge.

Un brieu de benurança pura.



Samedi à midi, je suis sortie dans la cour pour m'asseoir à l'abri, en plein soleil. Le cul sur la pierre fraîche, le dos contre la porte tiède. En manches courtes tant le soleil de janvier était printanier.
Sur les genoux, une assiette de pommes de terre rôties autour d'un gros morceau de sanglier que ma mère m'avait descendu de Lozère. Un peu de roquefort sur la pointe de l'Opinel du grand-père et un quignon du pain que je venais de sortir du four. Contre ma cuisse, un vin rouge, simple mais charnu, que j'ai bu à même la bouteille. 
Le soleil chauffait ma poitrine. Dans les branches des frênes nus, un tourtereau roucoulait tendrement, caressant le silence du village.
Un instant de pure béatitude.