jeudi 28 avril 2011

Alain Gas, las Cevenas son en dòu





Alain Gas, archius Midi-Libre


Alain Gas es partit, tròp lèu, tròp jove...

Fotograf, escrivan, istorian, èra lo Raïol, afogat per sas tèrras de Cevenas.
Son vam mancarà a totes los qu'an agut l'astra de lo coneisser.

Alain, amic, adieu...


Tampa d'un de sos obratges, edicions NPL




jeudi 21 avril 2011

Festenal de la Meitat, dança, musica e lenga a Lo Puèi en Velai




Deman deissarai la prima del Lengadòc, per tornar dins l'ivern a Lo Puèi de Velai, al festenal organisat per l'associacion La Meitat.
La Meitat, rescontres de musicas e danças tradicionalas en Velai, prepausa tres jorns consacrats a la dança, la musica o a la lenga occitana.
Causirai la dança, de segur...

Balètis totas las nuèits...




mardi 12 avril 2011

Cançon bretona = faicisme e oportunisme lepeniste !!??








Ai pas jamai agut la television.
Coneissi pas la Starac, encara mens Nolwen Leroy.
E legissi pas lo Novèl Obs.

Pasmens seguissi l'actualitat. E aquela me tafura :

Ai legit que Nolwen Leroy èra una cantaire sortida d'una emission de "tele-realitat " (quina realitat ??) e bretona.
Per son darrièr album, a agut enveja de rendre un omenatge a sas rasigas bretonas amb de cançons en breton.
Res que sauta l'òsca, benlèu, mas enfin, es tojorn interessant de faire passar sus las ondas nacionalas, una lenga regionala e un pauc de sa cultura, quitament a la saussa varietat.

E veni de descobrir un article del Novèl Obs sus l'album, que balha enveja de racar.
Es pas una critica musicala, non, es un atac contre l'afiscament per la cultura regionala.
Una mesa a mòrt : regionalisme = faicisme = oportunisme ligat a la montada de la Marina.
La "cornette" de Nolwen (en drolleta bretona sus la pocheta) es comparada al vel de Diam's. Es a dire "ideologia" per totes doas !

"La pochette montre la chanteuse à 5 ans, en Bigouden, comme une preuve génétique de sa bretonnante traçabilité. Garantie née coiffée. Après le bébé-éprouvette, le bébé-cornette. De toute évidence, le fichu de Nolwenn se porte mieux dans l'opinion que celui de Diam's."

Lo contrari "anti-jacobin", escriu lo tipe sens vergonha, de l'universalitat de Noah (òc, Yannick sic !).

E plan segur, coma la domaisèla a ja vendut 500 000 albums, es fautible de s'enrequir sus l'esquina de la paura lenga bretona.

La cantaire a respondut amb dignitat, me sembla, mas lo jornalist a torna respondut  (un drech de drech de responsa ??) en ensajant de la ridiculisar e de faire creire qu'aviá pas escrich çò qu'aviá escrich,  mas un brave article caponet.
Pren nos per de colhons en mai de faicistas !

Amics cantaires occitans, mesfisetz vos ! Se capitatz de faire entendre dins tot l'exagòn la lenga nòstra, solid que serà per aprofitar de la relativa popularitat de Marina per vos emplegar las pòchas de gròssa moneda !
Me semblava qu'aquela, bretona pasmens, romegava coma son paire, quitament contre los panèus en breton, non ?

Un extrach d'aquela "literatura" de mesprètz e de violéncia per veire qu'alandi pas :

"Loin des évanescentes «Frontières» de l'universaliste Yannick Noah, cet Arthus-Bertrand aux pieds nus («Il n'y a, vu du ciel, aucune ligne sur la terre»), Nolwenn Leroy, droite dans ses sabots, s'enivre de cadastre, d'ancrage et de toponymie: «Qui voit Ouessant voit son sang."
Gâtisme hors sol contre saga britannica.
Quand elle n'inhale pas avec extase «l'odeur de la bouse mouillée», cette Finistérienne au nom si peu républicain oppose une fin de non-recevoir à l'expérience jacobine: «Je ne serai jamais ta Parisienne», chante Leroy sur des paroles de Miossec."

E per vos lavar lo cap, qualques fotòs de la cosina Bretanha...
















































samedi 9 avril 2011

Adiu paure Carnaval amb los Calandrons dau Clapàs !





















Caramentran se passeja dins la carrièira. 
Aviá los braçes longs aquesta annada... ne caliá d'enfants fièrs per lo portar !







Enfants e grands, tot lo monde dança al son del pifre a l'entorn del chibalèt dels musicaires e dels dos chibalons dels enfants.







Abans de cramar, peta en colors !
Adiu paure Carnaval ! A l'an que ven...


lundi 4 avril 2011

Plenor de la solesa








Solesa

L’arma dobèrta als cèls
Jos la pauma la tèrra redonda
Plenor



- 2000 - 






Solesa benaimada...

Ai pas jamai comprés perque tant de monde patissiá d'estre sol.
Cada moment de solesa es una manna per ieu.

Subretot, lo cal dire, dins la garriga.

Consí se fondre dins l'animalitat carnala sens solesa ?




Solitude bienaimée...
Je n'ai jamais compris pourquoi tant de gens souffraient d'être seul.
Chaque instant de solitude est pour moi une manne.
Surtout, il faut le dire, dans la garrigue.
Comment se fondre dans l'animalité  charnelle sans solitude ?

Solitude
L'âme ouverte aux cieux/Sous la paume la terre ronde/Plénitude