Second estagi de dança en gestion solidaria (Calucada) per octobre

Lo second estagi de dança en gestion solidaria es per lèu : 21-25 d'octobre a Rogues (30).
Las inscripcions son dubertas.
Avem besonh d'ajuda per la difusion de l'informacion !
Per aquò e per tot saupre :
una pagina Facebook e totjorn lo nòstre siti d'ABRAÇEBRAÇ.

Soi convidada a Voix Vives a Seta

Soi convidada tornamai a legir mos poëmas dins l'encastre del festenal Voix Vives a Seta.
Los 25 e 26 de julhet.
Se me venetz escotar, presentatz vos !
:-)

Talhèr iniciacion a las danças tradicionalas, Saussan (34) 20 de junh

Una escasença de pas mancar : tres oras per descubrir totas las basas de las danças tradicionals e s'escampar sans pus trantalhar dins los balètis !
Menarai la dança e Serge Desaunay nos acompanharà per aquesta tantossada prepausada per l'associacion D’aicí d’alai.
Per ne saupre mai.

Lo Nòrd, ne torni e i tornarai

Torni del Nòrd.
Serge Desaunay era convidat al festenal Les Belles Bretelles que se debana a Hergnies (59) e ieu deviài faire dançar lo monde. N'avem aprofitat per passar una serada a Lille per lo Wazemmes l'accordéon.
Es coma una caricatura.
Tot es vrai.
L'ambient, la calor umana, l'accent... Ai fach entendre la lenga nòstra e ai pas compres grand causa del chtimi, mas quin escambis !
Tot, levat lo temps, quatre jorns de grand bèl temps !
I vòli tornar.
I tornarai.