Prima en Losera (3)

Lo calabrun  e l'alba al pais de ma reire grand, la maire de mon grand, a l'ombra de l'Aigal.
Una bòria isolada al mitan de rancàs ont s'amagan las fedas.

Amb una pensada plena d'amor per la cosina Lucienne que demorava dins aqueste país de vent e de cèl e qu'es partida  lo lendeman de mon passatge.
Une vida tan clafida d'espròvas e un coratge, una fòrça, una generosetat sens faiçon.
L'ostal del causse èra duberta a tot visitaire. Lo vin rotge, lo fromatge e lo salcissòt de l'ostal e un cafeton arribavan lèu sus la taula.
Repausa dins lo jardin, amb los sieus.
L'avèm accompanhada lo darrièr jorn de nèu del mes de mai.























Le crépuscule et l'aube au pays de mon arrière-grand-mère, la mère de mon grand-père, à l'ombre de l'Aigoual. Une ferme isolée au milieu des rochers où se cachent les brebis.
[...]
Avec une pensée forte et pleine d'amour pour la cousine Lucienne qui vivait dans ce pays de vent et ciel et qui est partie le lendemain de mon passage.
Une vie si remplie d'épreuves et un courage, une force, une générosité sans façons.
La maison du causse était ouverte à tout visiteur. Le vin rouge, le fromage et le saucisson faits maison et un "petit" café arrivaient vite sur la table.
Elle repose dans le jardin, avec les siens. 
Nous l'avons accompagnée le dernier jour de neige du mois de mai.
[...]

Prima en Losera (2)

Here's lo país sorne de ma grand, entre sanhas e sèlvas pregundas, aquela tèrra desanada.ont lo lop e los mau-faràs trevan encara..
Plou e fa 0° a l'ora del gostar.
La solesa es perfiècha.

E lo retorn sus l'Aigal. Lo solelh, aprep la granissa, fa limpar las colors de la prima e fumar lo rota.

 

Here's le pays sombre de ma grand-mère, entre tourbières et forêts profondes, cette terre abandonnée que hantent encore le loup et les brigands.
Il pleut et fait 0 degrés à l'heure du goûter.
La solitude est parfaite.
[...]
Et le retour sur l'Aigoual. Le soleil, après la grêle, illumine les couleurs du printemps et fait fumer la route.

Prima en Losera (1)

   

       Enfin, qualques jorns en Losera... aval es la prima, òc e tot es verd, mas lo pòt estre : plueja, e nèu amb de braves moment de solelh. Entre 0 e 7 grades e nevança sus l'Aigal e lo Mont Losera...

Mas qu'es polida, pregundament, ma Losera.... quitament jos la pluèja coma aquí dejos :

                                           Bon, aquí, lo cal dire, i a encara un pauc de Gard amb la Losera, coma un mesclun embelinaire que se diriã las Cevenas.

                                  Pluèja e flors.

Darrièr la nebla, l'Aigal de mon grand.




Printemps en Lozère (1)
Enfin, quelques jours en Lozère. Là-bas, c'est le printemps, oui, tout est vert mais ça peut bien l'être : pluie, neige avec quelques beaux moment ensoleillés. Entre 0 et 7 degrés avec une couverture neigeuse sur l'Aigoual et le Mont Lozère .
Mais qu'elle est belle, profondément, ma Lozère... même sous la pluie comme ici dessous :
[...]
 Bon, là il faut bien l'avouer, il y a encore un peu de Gard avec la Lozère, comme un mesclun enchanteur qui s'appellerait les Cévennes.
[...]
Pluie et fleurs
[...]
Derrière la brume, l'Aigoual de mon grand-père.

Ptiluc, lo retorn del blòg

Non, es pas partit per l'Africa aquesta annada, l'amic Ptiluc.
Mas de sos viatjes a portat que de soscar...
Coma es pas politicament correct, trapa pas d'editor.
Anetz veire, Jeux sans frontières, es crudel e "jubilatoire" (en òc ? qual sap ?) !


Non, il n'est pas parti pour l'Afrique cette année, l'ami Ptiluc.
Mais de ses voyages il a ramené de quoi réfléchir.
Comme ce n'est pas politiquement correct, il ne trouve pas d'éditeur.
Allez voir Jeux sans f rontières, c'est cruel et jubilatoire !

Singlar e benurança

Dissabte a miegjorn,  soi sortida dins la cort per m'encanhardar.
Lo cuòl sus la pèira fresca, l'esquina contre la porta tebesa. En camiseta tant lo soleh de genièr era maienc.

Sus los genolhs, una escudèla de patanas rostidas a l'entorn d'un tròças de rostit de singlar que ma maire m'aviá davalat de Losera.
Un pauc de rocafòrt sus la poncha de l'Opinel del grand e un cròstet del pan que veniái de sortir del forn. Contra ma cuèissa, un vin roge, simple mas carnut, qu'ai begut a mèma la botelha..

Lo solelh caufava mon pitre.
Dins las brancas dels fraisses nuds, un tortorèl roconava tendrament, alisant lo silenci del vilatge.

Un brieu de benurança pura.



Samedi à midi, je suis sortie dans la cour pour m'asseoir à l'abri, en plein soleil. Le cul sur la pierre fraîche, le dos contre la porte tiède. En manches courtes tant le soleil de janvier était printanier.
Sur les genoux, une assiette de pommes de terre rôties autour d'un gros morceau de sanglier que ma mère m'avait descendu de Lozère. Un peu de roquefort sur la pointe de l'Opinel du grand-père et un quignon du pain que je venais de sortir du four. Contre ma cuisse, un vin rouge, simple mais charnu, que j'ai bu à même la bouteille. 
Le soleil chauffait ma poitrine. Dans les branches des frênes nus, un tourtereau roucoulait tendrement, caressant le silence du village.
Un instant de pure béatitude.

Al fial de la rancareda

Al fial de la rancareda

Vent, vent que bufa tras mon arma

Sonque  vent es ma vida

Aucèl tèune al fial de la rancareda

En balanç entre tèrra e luonchor

Dins l’equilibri d’auras contràrias

Sens tòca ni enveja ni esper

E bèla pasmens d’incèrt

Totescàs restacada a la tèrra

Per l’envòl de la dança

Per la dança de l’amor

E l’arma tojorn aval

Entre limbes e nius

E lo temps de temps sens presa

Ara estripa lo vent de mon arma

Se n’anirà un jorn, destacada enfin

Sus una ventada d’infinitat

Coma l’aucèl s’arraca enfin al fial de la rancareda

Per s’enanar e pas jamai tornar

-                                   (17 geniér 2012)

 À l’aplomb de la falaise

Du vent, du vent qui traverse mon âme

Ma vie n’est que vent

Oiseau ténu à l’aplomb de la falaise

Suspendu entre terre et lointain

Dans l’équilibre de vents contraires

Sans but  ni envie ni espérance

Et belle pourtant d’incertain

À peine rattachée à la terre

Par l’envol de la danse,

Par la danse de l’amour

Et l’âme toujours là-bas

Entre limbes et nues

Et le temps longtemps sans prise

Désormais déchire en lambeaux le vent de mon âme

Elle partira un jour, enfin détachée

Sur un coup de vent d’infini

Comme l’oiseau s’arrache enfin à l’aplomb de la falaise

Pour partir et ne jamais revenir

Una musaranha dins ma banasta

Al festenal Voix Vives, me soi passejada amb una banasta granda.
Diguns a sauput perque.
Ara lo pòdi dire.
I a prescripcion...

La velha encara, èri en Losera a cercar de bolets.
Sus la mossa del bòsc, ai trobat una bestiòta menudeta e encara avugle que rebalava e se tortivilhava miserablament. A son morre lòng, vegèri qu'éra una musaranha.
Ai agachat de pertot, mas pas de maire, pas lo mendre trauc, res. De que faire ? La deissar se faire manjar lèu, lèu, que veniái de mancar de marchar dessus una vipèra gròssa ? O ensajar l'impossible ?
Dins ma man, ai fach un nis de falguièra e de mossa e ai davalat la montanha tota amb la pichona que dormissiá d'aise, coma se compreniá que la voliái sauvar.

Diguèri adieu a ma Losera e prenguèri la rota.

En camin, me soi arestada dins una farmàcia per comprar de lach per caton e una chilingeta.

E cada doas oras, amai la nuèit, ai fach chucar mon nenon musaranha qu'éra fòrça volontosa.
Sens me veire, montava sus mos dets per se deissar noirir e massar doçament lo ventre amb una fisança pertocanta. Puèi se passejava en se rabalant e en trantalhant un pauc abans de se rotlar per reprene son sòm.

De que faire, lo lendeman, al moment de partir al festenal ?
Ai fotut lo nis dins un cartonet, lo cartonet dins una banasta, amb lo lach de caton e la chilingeta. E la banasta dins la veitura.
A Seta, me soi presentada a l'ostalariá, puèi a l'acuèlh del festenal amb ma banasta. Ai fach las lecturas dins la cort, puèi en barca amb ma banasta. Ai passat la serada amb ela.

Mas lo lendeman, ai deissat la banasta dins ma cambra : "Mimi" s'es pas desrevelhat...
Ai agut coma un pes sus lo còr tot lo jorn per contunhar lecturas e rescontres. Un pes de qualques milegrams...

E lo ser, a una ora del matin, quora soi arrivada a mon ostal, ai fach plaça a la bestiòta, totjorn nisada dins la mossa, entre doas flors del jardin..

Extrach del siti Gardenbreizh 

Au festival Voix vives, je me suis promenée avec un grand panier. 

Personne n'a su pourquoi. 

Maintenant, je peux le dire... il y a prescription.

La veille encore, j'étais en Lozère à chercher des cèpes.

Sur la mousse du bois, j'ai trouvé une toute petite bête encore aveugle qui rampait et se tortillait misérablement. À son long museau, j'ai compris que c'était une musaraigne.

J'ai regardé partout, mais ni mère, ni le moindre trou, rien. Que faire ? La laisser se faire manger vite fait, bien fait ? Justement je venais de marcher ou presque sur une grosse vipère. Ou essayer l'impossible ? 

Dans ma main, j'ai fait un nid de fougère et de mousse et je suis redescendue de la montagne avec la petite qui dormait tranquillement, comme si elle comprenait que je voulais la sauver.

J'ai dit adieu à ma Lozère et j'ai pris la route. 

En chemin, je me suis arrêtée dans une pharmacie pour acheter du lait pour chaton et une petite seringue.

Et toutes les deux heures, même la nuit, j'ai fait téter mon bébé musaraigne qui se montrait plein de bonne volonté.

Sans me voir, il montait sur mes doigts pour se laisser nourrir et masser doucement le ventre avec une confiance touchante. Puis il se promenait en se traînant et en tremblant un peu avant de se mettre en boule pour reprendre son sommeil.

Que faire, le lendemain, au moment de partir au festival ? 

J'ai mis le nid dans un petit carton, le petit carton dans un panier, avec le lait et la petite seringue. Et le panier dans la voiture.

À Sète, je me suis présentée à l'hôtel, puis à l'accueil du festival avec mon panier. J'ai fait les lectures dans la cour, puis en barque avec mon panier. J'ai passé la soirée avec lui.

Mais le lendemain, j'ai laissé le panier dans ma chambre. "Mimi" ne s'est pas réveillée. J'ai eu comme un poids sur le cœur toute la journée pour continuer lectures et rencontres. Un poids de quelques milligrammes...

Et le soir, à une heure du matin, quand je suis arrivée à la maison, j'ai fait place à la petite bête, toujours nichée dans la mousse, entre deux fleurs du jardin.